पूर्वमिस नेपाल सदीक्षा श्रेष्ठ प्रेमी राहुल मोक्तानसँग बिवाह बन्धनमा बाँधिदै छिन् । उनको र राहुलको विवाह समारोह नेवारी परम्परा अनुसार आज साँझ आयोजना हुने बताइएको छ ।
यस्तै विवाह अगाडि आजै गैरीधाराको सिल्भर ओक पार्टी प्यालेसमा रिसेप्सन पार्टी आयोजना गरिएको छ । नेवारी परम्परा अनुसार केटीले पहिले रिसेप्सन दिएपछि केटाले जन्ती लिएर आउने परम्परा छ । त्यसैले आज रिसेप्सन आयोजना गरिएको हो । 

रिसेप्सनमा साथीभाइ, आफन्त, सहकर्मी सबैलाई बोलाइएको छ । तर, विवाहमा भने आफन्त र निकट व्यक्तिलाई मात्र निम्तो गरिएको छ । सदीक्षा र राहुल केही बर्षको प्रेम विवाहमा परिणत गर्न लागेका हुन् । सदीक्षा २०१० की मिस नेपाल हुन् ।