नेपाली मुलकी परिजिता बास्तोला अमेरिकी ‘द भ्वाइस’ को तेस्रो चरणमा प्रवेश गरेकी छिन् ।
उनले अन्य तीन प्रतियोगीलाई पछि पार्दै तेस्रो चरणमा पुगेकी हुन् । द भ्वाइसले २२ औ संस्करणमा नयाँ ढाँचाअनुसार नकआउट एपिसोड सुरु गरेको छ ।
यस पटक प्रतिस्पर्धीले आफैले गीतहरू चयन गर्ने अवसर पाएका थिए । प्रस्तुतिपछि निर्णायकहरूले विजेता छनौट गर्दा परिजिता पनि परेकोले उनी तेस्रो चरणमा प्रवेश गरेकी हुन् ।
अमेरिकाको मेरिल्याण्ड राज्यमा बस्दै आएकी १७ वर्षीया परिजिता बास्तोला अमेरिकामै जन्मेकी र दोस्रो पुस्ताकी उदीयमान गायिका हुन् ।