बझाङ – बझाङ प्रदेशसभा १ मा गठबन्धनका तर्फबाट नेपाली कांग्रेसका उम्मेदवार पृथ्वीबहादुर सिंह विजयी हुनुभएको छ । नेकपा एमालेका उम्मेदवार अफिलाल ओखेडालाई ३ हजार ७७६ मतले पराजित गर्दै सिंह विजयी हुनुभएको हो ।
मुख्य निर्वाचन अधिकृतको कार्यालय बझाङका अनुसार सिंहले १७ हजार ११३ मत प्राप्त गर्नुभयो भने ओखेडाले १३ हजार ३३६ मत प्राप्त गर्नुभएको छ । राप्रपा नेपालका कर्णबहादुर खड्का ४२६ र राप्रपाका हरिलाल भट्टराईले ४०४ मत प्राप्त गर्नुभएको छ ।
यो क्षेत्रमा कुल मतदाता ६१ हजार १ सय ६९ रहेकोमा ३२ हजार ४०८ मत खसेका थिए । जम्मा १ हजार १३० मत बदर भएको मुख्य निर्वाचन कार्यालयले जनाएको छ ।