हेरिटेज अफ फेसन अष्ट्रेलिया २०२२ भव्य रुपमा सम्पन्न भएको छ । सिड्नी आयोजित शोमा अन्तराष्ट्रिय स्तरमा पहिलो पटक क्रुजमा आयोजना गरिएको असाप इन्टरटेनमेन्टका सञ्चालक सन्तोष अधिकारीले बताए ।
नेपाली डिजाइनर रोविन परियारले तयार पारेका नेपाली पहिरनमा नेपाली तथा विदेशी मोडलले र्याम्प नापेका थिए । नेपाली पोशाकलाई अन्तर्राष्ट्रियस्तरमा पुर्याउन आफूले पहिलो पटक अष्ट्रेलियाको सिड्नीमा क्रुज इभेन्ट गरेको दाबी सन्तोषको छ । कोरोना महामारीपछि पहिलो पटक आफूले ठुलो लगानीमा विदेशमा फेसन शोको आयोजना गरेको उनको भनाई छ ।
हेरिटेज अफ फेसन अष्ट्रेलियामा नेपालीकका साथै ब्राजिलियन र मोरक्कन मोडल नेपाली पहिरनमा र्याम्पमा हिँडेका थिए । सभ्य र भव्य रुपमा सम्पन्न कार्यक्रम नेपाली कला र संस्कृतीलाई प्रवर्द्धन गर्ने उद्देश्यका साथ आयोजना गरिएको थियो । हेरिटेज अफ फेसनकोे दुई सिजन नेपालमा र एक सिजन अष्ट्रेलियामा आयोजना भैसकेको थियो ।
फेसन शोका सञ्चालक अधिकारी फिल्मका निर्माता समेत हुन । सन्तोष दीपेन्द्र के खनाल निर्देशित फिल्म आमाका सह निर्माता र अर्पण थापा निर्देशित फिल्म तीन जन्तुका निर्माण गरेका थिए ।