काठमाडौं । चलचित्र ‘द आउट ल’को शुभ–मुहूर्त गरिएको छ । बिहीबार ललितपुरको बगलामुखी मन्दिरमा निर्माण टिमले पूजा गर्दै फिल्मको शुभमुर्हतसहित छायांकन सुरु गरेको हो ।
४० दिन भित्र छायांकन सक्नेगरी चलचित्रको सुटिङ सुरु भएको हो । रेट्रो ग्रुपको व्यानरमा निर्माण गर्न लागिएको चलचित्रका निर्देशक बिक्की महर्जन हुन् । सुशील श्रेष्ठ, शिक्षा संर्गौला, नरेश पौडेल, सुमन भण्डारी, हेम गुरुङ, विशाल पहारी लगायतका कलाकारको मुख्य भूमिका रहने चलचित्र पूर्ण एक्सन–थ्रिलर जनरामा निर्माण हुन लागेको हो ।
चलचित्रको प्रदर्शन नयाँ वर्षको दसैँ बताइएको छ । शशांक खड्का र अमित अग्रहरी निर्माता रहेको चलचित्रले कानुन नमान्ने व्यक्तिको कथा बोल्नेछ । चलचित्रका कार्यकारी निर्माता विनोद खडायत हुन् । २ करोड हाराहारी बजेट खर्च हुने अनुमान गरिएको यो चलचित्रका अधिकांश दृश्यको काठमाडौं उपत्यका भित्रै छायांकन हुनेछ ।
कोरोना महामारीपछि अभिनेता सुशीलको लागि यो कमब्याक प्रोजेक्ट हो । कार्यक्रममा सुशीलले राम्रो कथा र टिम पाएकोले चलचित्र अभिनय गर्न लागेको बताए ।