काठमाडौं । पुन: निर्माण हुन लागेको चलचित्र ‘हामी तीन भाइ’ मा चर्चित सीरिज ‘रङ टाइम’ का जोडी कुशल विष्ट र आश्मा गिरी जोडीको रुपमा फेरी एक(पटक अनुबन्धित भएका छन् ।
उनीहरु पुनस् यो चलचित्रमा जोडीका रुपमा प्रस्तुत हुने भएका हुन् । सीरिज ‘रङ टाइम’ मा सबैले मन पराएको यस जोडीलाई पुन एक पटक दर्शकले ठूलो पर्दामा देख्ने भएका छन् ।
डेढ दशक अगाडी निर्माण भएको चलचित्र ‘हामी तीन भाइ’ को अहिले पुनस् निर्माण हुन लागेको छ ।
मधुसूदन भट्टराईको निर्देशनमा बन्ने चलचित्रमा कुशल विष्ट र आश्मा गिरी बाहेक बिनोद न्यौपाने, जानवी बस्नेत, रबिन्द्र झा, राजाराम पौडेल लगायतका कलाकार अनुबन्धित भएका छन् । अन्य केही कलाकारहरू छनोट भने हुन बाँकी नै छ ।
प्रसिद्धि सिने आर्टको ब्यानरमा निर्माण हुन लागेको चलचित्रमा साजित महतले निर्माण गर्ने छन् । चलचित्रका कार्यकारी निर्मातामा विक्रम तामाङ रहेका छन् । चलचित्रको छायाँकन चित्लाङमा साउन १० गतेबाट सुरु हुने छ ।
चलचित्रको पहिलो भागको लेखन तथा निर्देशन शिव रेग्मीले गरेका थिए । यस चलचित्रमा राजेश हमाल, निखिल उप्रेति , श्रीकृष्ण श्रेष्ठ, रेखा थापा, झरना थापाको अभिनय रहेको थियो । यो चलचित्र त्यतिबेला सुपरहिट सावित भएको थियो ।