काठमाडौँ, २५ भदौ : विवादमा तानिएको ‘एक भागवत गीता’ चलचित्रको नाम परिवर्तन हुने भएको छ ।
अब चलचित्रको नाम ‘एक भागवत र एक गीता (सामाजिक कथा) लेख्ने सहमति भएसँगै चलचित्रको विवाद टुंगिएको हो ।
चलचित्रको निर्माण पक्ष, उजुरीकर्ता र चलचित्रसँग सम्बन्धित संघसंस्थाका प्रतिनिधिबीच भएको छलफलपछि नाम परिवर्तन गरी ‘एक भागवत् एक गीता (सामाजिक कथा) राख्ने सहमति भएको चलचित्र विकास बोर्डले जनाएको छ ।