काठमाडौँ । अभिनेत्री पूजा शर्माको मुख्य भूमिका रहेको फिल्म ‘दान्भी’को टिजर सार्वजनिक गरिएको छ । निर्माण युनिटले राजधानीमा एक कार्यक्रम गर्दै सार्वजनिक हो ।
रुपेश तामाङको निर्देशन रहेको फिल्ममा देव मगर र अनुप गडाल निर्माता रहेको फिल्मको टिजरमा अभिनेत्री पूजा शर्माको एक्सनलाई प्राथमिकता दिइएको छ ।
पवन राना मगर कार्यकारी निर्माता रहेको फिल्मका सह–निर्माता कमला लिम्बु, पन्च बहादुर तामाङ, श्रवण कुमार श्रेष्ठ र जीवन कुँवर हुन् ।
फिल्ममा रविना थापा मगरको कथा, संजोग कुँवर रानाको पटकथा तथा संवाद, अर्जुन पोखरेल, नरेश जोशी र केदार राज नेपालीको संगीत, हरि बहादुर घलेको डीओपी, बन्दे प्रसादको सम्पादन, श्री श्रेष्ठको एक्सन छ ।
फिल्ममा पूजाको अलवा कुन्साङको मुख्य भूमिका छ । फिल्मको प्रदर्शन मिति तय भएको छैन ।