काठमाडौँ । फागुन २५ गतेबाट सार्वजनिक प्रदर्शनमा आउने फिल्म ‘उपहार’को दोस्रो गीत ‘मुटुको ४ आना’ सार्वजनिक भएको छ । समीक्षा अधिकारी र महेन्द्र विकको स्वर रहेको गीतमा अर्जुन पोखरेलको संगीत, मुक्त उदासको शब्द छ ।
गीतको कोरियोग्राफी कविराज गहतराजले गरेका हुन् । गीतमा अभिनेत्री रेखा थापा, बेनिशा हमाल, पूजा शर्मा, किरण केसी, राजाराम पौडेल, शिशिर राणा, निर्मल शर्मा, रामचन्द्र अधिकारी र विनोद कुमार पौड्याललाई फिचर्ड गरिएको छ ।
‘उपहार’ सामाजिक विषयवस्तुमा निर्माण भएको फिल्म हो । ज्ञानेन्द्र देउजाको निर्देशन रहेको फिल्ममा मुकुन भुषाल, तेज गिरी, समर्पणजंग कार्की, सुष्मा कार्की, अंशु महर्जन, आशा भुषाललगायतको पनि अभिनय छ । अभिनेत्री थापाका श्रीमान् बलराम शाही ठकुरी कार्यकारी निर्माता रहेको फिल्मका निर्माता सुलभ प्रतीक र समीक्षा देउजा हुन् ।
रेखा फिल्मस् र कपनगढी फिल्मसको ब्यानरमा निर्माण भएको फिल्ममा विष्णु कल्पित घिमिरेको छायांकन, अर्जुन पोखरेल र बाबुल गिरीको संगीत, मित्र डि गुरुङको सम्पादन, सुलक्षण भारतीको कथा, भारतीका साथै अभिमन्यू निरवी र माधव शर्माको पटकथा तथा संवाद, अनुपम गौतमको भीएफएक्स र रोशन श्रेष्ठको द्वन्द्व निर्देशन छ ।