काठमाडौँ । अभिनेता धिरज मगर र अभिनेत्री उपासना सिंह ठकुरीको मुख्य भूमिका रहने फिल्म ‘खुस्मा’ निर्माणको घोषणा भएको छ । माघे संक्रान्तिको अवसर पारेर घोषणा गरिएको फिल्ममा अशोक थापाको निर्देशन रहनेछ । 

फिल्मका निर्माता बेताने मगर, चन्द्र भट्टचन,  मोहन राई र सुस्मिता बुढाथोकी हुन् । एसडी योगीको संगीत रहने फिल्ममा सुरेन्द्र राना तथा राम अविरल विष्टको गीत रहनेछ । 

दिपक बज्राचार्य छायाँकार रहने फिल्ममा धिरज र उपसनाका अलावा अस्तित्व भट्टचन, खड्क बहादुर पुन (खबपु) तथा अरुण मगरको अभिनय रहनेछ । प्रेम कथामा बन्ने फिल्म एम मिडिया प्रा.लिको ब्यानरमा निर्माण हुनेछ ।