काठमाडौँ । गायक मनोज थापा र गायिका करुणा पुनको सुमधुर स्वर रहेको कौडा गीत ‘जूनै टिपेर’ सार्वजनिक भएको छ । मगर तथा गुरुङ समाजको परिचय झल्काउने यस गीतमा शब्द, सङ्गीत स्वयम् गायिका पुनको रहेको छ । गीतको सङ्गीत संयोजन देबेश राईले गरेका हुन् ।

गीतको भिडियो पनि मौलिक संस्कृतिमा आधारित रहेर तयार पारिएको छ । जसमा आनन्द गुरुङ र चाहना मगरको अभिनय देख्न सकिन्छ । 

मनोज कार्कीको सम्पादन रहेको भिडियोमा मौसम हिमालीको कोरियोग्राफी र निर्देशन छ । भिडियो गायक थापाको आधिकारिक च्यानल ‘मनोज थापा मगर’ मार्फत सार्वजनिक भएको हो ।