काठमाडौँ– स्पेनिस ला लिगा फुटबलमा सेभियाले रायो भालेकानोलाई पराजित गरेको छ ।

गएराति भएको खेलमा भालेकानोलाई २–१ गोलले हराउँदै सेभियाले जित निकालेको हो ।

सेभियाका लागि युसेफ एन नेस्रीले दुई गोल गरेका थिए । उनले खेलको १९औँ मिनेटमा टोलीलाई सुरुवाती अग्रता दिलाएका थिए । तर भालोकानेका इसी पालाजोनले गोल गर्दै खेललाई १–१ गोलको बराबरीमा ल्याए ।

त्यसपछि खेलको ४५औँ मिनेटमा नेस्रीले दोस्रो गोल गर्दै सेभियालाई २–१ गोलको जित दिलाए ।

यो जितसँगै २३ खेलबाट २० अंक जोडेको सेभिया १५औँ स्थानमा छ भने २४ अंक रहेको भालेकानो १३औँ स्थानमा छ ।