काठमाडौँ । गायक तथा सङ्गीतकार नन्दु गुरुङको स्वरमा रहेको गीत ‘मुटु त ढुक ढुक कलेजो भ्याट भ्याट’ को भिडियो सार्वजनिक भएको छ । गीतमा कुमार गुरुङको शब्द र सिद्धान्त खड्काको एरेन्ज छ ।

भिडियोमा सरोज प्रजा र बिना राउतसँगै विवेक, प्रितम, दावा र रूपक फिचर्ड छन् । बिनालाई देखेपछि दृष्टिविहीन बनेको नाटक गरेका सरोजको कर्तुत थाहा पाएपछि रिसाएकी बिनालाई सरोजले फकाउन गरेको प्रयासलाई भिडियोमा देखाइएको छ ।

भिडियोमा विशाल थापाको छायाङ्कन, दिन्सन शाहको सम्पादन र रोशन विश्वकर्माको कोरियोग्राफी र निर्देशन छ । भिडियो सरोज प्रजाकै अफिसियल युट्युब च्यानलबाट सार्वजनिक गरिएको हो ।