काठमाडौँ । दयाहाङ राई र मिरुना मगरको मुख्य भुमिका रहेको फिल्म हो ‘रङ्गेली’ । महाशिवरात्रीको अवसर पारेर फागुन २५ गतेबाट रिलिज हुन लागेको फिल्म अहिले प्रचार प्रसारमा छ । निर्माण युनिटले फिल्मको मुख्य कलाकार दयाहाङ र मिरुनाको केही प्रेमील तस्बिरहरू सार्वजनिक गरेको छ । तस्बिरमा दुवै कलाकार रोमान्टिक मुडमा देखिएका छन् ।
अर्जुन सुवेदीको लेखन तथा निर्देशन रहेको दयाहाङ र मिरुना सहित अर्पण थापा, प्रवीण खतिवडा, रमेश बुढाथोकी लगायतको मुख्य भुमिका छ । हर्क साउद, अर्जुन सुवेदी र सबिन एकतारेको शब्दमा गीत समेटिएको फिल्ममा सुशान्त गौतम र हर्कुलस बस्नेतको सङ्गीत छ ।
जीतेन्द्र खतिवडा, अनुज जङ्ग थापा कार्यकारी निर्माता रहेको फिल्मको संसार चौलागाईं, रमेश भट्टराई निर्माता र र युवक कार्की, शिव शङ्कर चौलागाईँ सह–निर्माता हुन् । अमेरिकामा रेड कार्पेट प्रिमियर हुने बताइएको फिल्ममा अमेरिका, अस्ट्रेलिया, जापान, कोरिया, हङकङ लगायतका रिलिज हुनेछ ।