१० करोड टिकट बिकेको पहिलो बलिउड चलचित्र ‘मदर इन्डिया’
काठमाडौँ– ‘मदर इन्डिया’ ५० को दशकमा महिला शोषणमा आधारित कथानक फिल्म हो । भनिन्छ– नायक सुनील दत्त र नायिका नगरिसको मुख्य अभिनय रहेको सो फिल्म हेरेर आँशु नझार्ने सायदै कम छन् ।

अहिलेको समयमा पनि यी दुई कलाकारलाई सम्झँदा धेरैले सोही फिल्मको नाम लिन्छन् । महबूब खानले निर्देशन गरेका सो फिल्म त्यस युगकै उत्कृष्ट फिल्म हो भन्दा फरक मत राख्ने भेट्न गाह्रो पर्छ ।

त्यसबेला सो फिल्म ६० लाख भारु लागतमा तयार भएको बताइन्छ । यसले त्यसबेला बक्स अफिसमा तहल्का पिटेको थियो । आजको दिनमा पनि धेरै हेरिने चलचित्रको सूचीको शीर्ष तीनमा  ‘मदर इन्डिया’ छ । धेरै हेरिएका बलिउड फिल्ममा शोले र बाहुबली– २ क्रमशः पहिलो र दोस्रो हुन् ।

यो फिल्म १० करोडले सिनेमा घरमा पुगेर हेरेको बताइन्छ । अर्थात् १० हजार टिकट बिक्री भएको थियो । त्यसबेला टिकटको मूल्य २ रुपैयाँ भारु थियो ।

‘मदर इन्डिया’को टिकट अझै पनि सुरक्षित रहेको पाइएको छ । केही समयअघि यो टिकट सामाजिक सञ्जालमा भाइरल भएको थियो ।

सोही कारण  ‘मदर इन्डिया’लाई १० करोड टिकट बिक्री गर्ने पहिलो बलिउड फिल्म भनेर समेत चिनिन्छ । त्यसबेला यो फिल्म ओस्कारमा मनोनयन समेत भएको थियो । उत्कृष्ट विदेशी भाषा चलचित्रको विधामा मनोनयनमा परेको थियो । यद्यपि यो फिल्मले ओस्कार भने जित्न सकेन ।