काठमाडौं । मदिरा सेवन गरेर होहल्ला गरेको आरोपमा प्रहरीले पक्राउ गरेका गायक राजेश पायल राई छुटेका छन् ।
बुधबार राति पक्राउ परेका राईलाई बिहीबार छाडिएको हो । नयाँ बानेश्वर प्रहरी वृत्तको नियन्त्रणमा रहेका राईलाई केही बेरअघि छाडिएको प्रहरीले जानकारी दियो ।
मदिरा सेवन गरी हो-हल्ला गरेपछि वृत्तको टोलीले गायक राईसहित तीन जना कलाकारहरूलाई आज बिहान २ बजे मदन भण्डारी कलेज अगाडिबाट नियन्त्रणमा लिएको थियो।
उनलाई बिहान आफन्तको जिम्मा लगाइएको हो ।