काठमाडौँ, ३ साउन : गायक तुलसी सिवाकोटी र देवी सिवाकोटी प्रसाईँको स्वर रहेको गीत ‘अजम्बरी’ सार्वजनिक भएको छ । नवराज शर्माको शब्द रहेको गीतमा सीडी विजय अधिकारीले सङ्गीत दिएका छन् ।
गीतको भिडियोमा आकाश श्रेष्ठ र गरिमा शर्माको केमेस्ट्री देख्न सकिन्छ । प्रहिल कार्कीको निर्देशन रहेको भिडियोमा विवाहित जोडीले २५ वर्षे वैवाहिक जीवनसम्म आइपुग्न गरेको सङ्घर्ष देखाइएको हो ।
बुद्ध थापाको छायाङ्कन, माधव बेल्बासेको सम्पादन रहेको भिडियो गायक सिवाकोटीको युट्युब च्यानलबाट सार्वजनिक गरिएको हो ।