रसुवा, २ मङ्सिर : ग्यास सिलिण्डर पड्किएर  आगलागी हुँदा रसुवाको गुम्बुडाँडामा एउटा घरमा क्षति पुगेको छ ।

      इलाका प्रहरी कार्यालय कालिकास्थानका प्रहरी निरीक्षक पन्नालाल यादवका अनुसार आगलागीबाट कालिका गाउँपालिका–२ गुम्बाडाँडाका मानबहादुर गोलेको घरमा क्षति भएको हो । खाना पकाउने क्रममा सिलिण्डर पड्किएको हो । आगलागीबाट  रू १० लाख बराबरको धनमाल क्षति भएको प्रहरीले  जनाएको छ ।     पीडितलाई कालिका गाउँपालिकाले आजै राहत सामग्री वितरण गरेको छ । 

    यसैबीच प्रमुख जिल्ला अधिकारी अर्जुन पौडेलको अध्यक्षतामा आज जिल्ला विपद् व्यवस्थापन समितिको बैठक बसेको छ । बैठकमा रसुवाका पाँचवटै गाउँपालिकाका प्रतिनिधि, सरकारी कार्यालयका प्रमुख, सुरक्षाकर्मीलगायतको सहभागिता रहेको थियो ।