कञ्चनपुर, ३ फागुनः शुक्लाफाँटा नगरपालिका–१० झलारीस्थित श्रीकृष्ण माध्यमिक विद्यालयमा छात्रावास भवन निर्माणको अगाडि बढाइएको छ ।
राष्ट्रिय योजना आयोगको रु तीन करोड ३५ लाखमध्ये रु दुई करोड २० लाखको लागतमा घटाघटीमा छात्रावास निर्माण अघि बढाइएको हो ।
विद्यालय व्यवस्थापन समितिका अध्यक्ष लालबहादुर सिंहका अनुसार निर्माण भैरहेको दुई तले छात्रावासमा १२ कोठा, छ वटा शौचालय र स्नान कक्ष निर्माण हुनेछन् । भवन निर्माण चालु आर्थिक वर्षको असार मसान्तभित्रै पूरा हुने सम्झौता छ ।
“भवनको फाउन्डेसन निर्माण पूरा हुन लागेको छ”, उहाँले भन्नुभयो, “फाउन्डेसनको कार्य पश्चात टाइविमको काम सुरु हुन्छ ।”
विसं २०२२ मा स्थापना भएको विद्यालयमा हाल चार सय २५ विद्यार्थी अध्ययनरत छन ।
“विद्यालयमा छात्रावास नहुदा आइएससी एजी पढने विद्यार्थीलाई गाह्रो भएको थियो”, विद्यालयका प्रधानाध्यापक पिताम्बर जोशीले भन्नुभयो, “छात्रावास निर्माणले विद्यार्थीलाई डेरा खोजेर बस्नुपर्ने बाध्यताको अन्त्य हुनेछ ।”