महेश सिंह/सिरहा/लहान ३ मङ्सिर - सिरहाको सखुवानान्कारकट्टी गाउँपालिकाको शान्तिनगर बजारमा कार्तिक पूर्णिमा मेलाको आयोजनासँगै शान्तिनगर विकास समितिको सातौँ वार्षिकोत्सवका अवसरमा अन्तर मा.वि. स्तरीय हाजिरीजवाफ प्रतियोगिता सम्पन्न भएको छ ।

"कला संस्कृति हाम्रो स्वाभिमान्, समृद्ध सखुवानान्कारकट्टी हाम्रो पहिचान" मूल नाराका साथ कार्यक्रम सम्पन्न भएको हो । सखुवानान्कारकट्टी गाउँपालिकाअन्तर्गत पर्ने निजी  तथा सरकारी विधालयका विद्यार्थीहरू प्रतियोगितामा सहभागी रहेका थिए। पढाइमा विद्यार्थीहरूलाई जागरुक गर्न प्रतियोगिता गरेको सखुवानान्कारकट्टी गाउँपालिकाका शिक्षा शाखा प्रमुख भोगेन्द्र यादवले जानकारी दिए ।

आधारभूत तहमा म्युजिकल चेयर प्रतियोगिता कक्षा ३का छात्रछात्रा, र जेरी दौडमा कक्षा ५ छात्रा सहभागी भएका थिए भने मावि तहमा कक्षा ९ र १० का छात्रछात्राहरू सहभागी रहेका थिए।