काठमाडौँ । मुगुको रारा राष्ट्रिय निकुञ्जमा रहेको श्रीबक्स गुल्म र गमगढीस्थित नन्दबक्स गुल्मले पहिले पटक ५ जना महिलासहित ५० जना जवानका लागि सेनामा भर्ना सुरु गरेपछि युवाहरुको भीड लागेको छ ।
सैनिकमा भर्ना हुनका लागि ५१ जना महिलासहित २ सय ८१ जनाको आवेदन परेको नन्दबक्स गुल्मका सेनानी प्रवेश लिम्बूले बताए । हुम्ला, जुम्ला, बाजुरा, बर्दिया, दैलेख सुर्खेतबाट युवाहरू सेनामा भर्ना हुन आएका छन् ।