काठमाडौं ; महोत्तरी जिल्लाको भंगहा नगरपालिका वडा नम्बर ८ धर्मपुरका ७ जना बालिका र किशोरीहरु बेपत्ता भएका छन् ।
मंगलबार दिउँसो घाँस काट्न नजिकैकौ जंगल गएका उनीहरु अहिलेसम्म सम्पर्कमा आएका छैनन्।
बेपत्ता हुनेमा १८ वर्षीया अस्मिता पासवान र नगिना पासवान, १५ वर्षीया रिया पासवान र अर्चना पासवान, १३ वर्षीया ज्योती पासवान, १० वर्षीया रञ्जना पासवान र सीमा पासवान रहेको प्रहरीले जनाएको छ । उनीहरु सबै एउटै टोलका हुन्।
महोत्तरीका प्रहरी प्रमुख एसपी दिनेश आचार्यले बेपत्ताहरुको खोजी भइरहेको बताए। एकै पटक ७ जना बालिका तथा किशोरी बेपत्ता भएको खबरले गाउँमा त्रास फैलिएको छ ।