काठमाडौँ – नोभाक जोकोभिच विम्बल्डन टेनिसको फाइनलमा प्रवेश गरेका छन् ।
बेलायतका क्यामरुन नोरीलाई हराउँदै शीर्ष वरीयताका जोकोभिच उपाधि नजिक पुगेका हुन् ।
सेन्टर कोर्टमा शुक्रबार राति जोकोभिचले नवौं वरीयताका क्यामरुनलाई २-६, ६-३, ६-२ र ६-४ को सेटमा हराए।
अब जोकोभिचले आइतबार उपाधिका लागि निक क्रिगोससँग प्रतिस्पर्धा गर्ने छन् ।
यसअघि, स्पेनिस टेनिस स्टार राफेल नाडाल पेटको चोटका कारण विम्बल्डनको सेमिफाइनलबाट नाम फिर्ता लिएका छन् ।
सेमिफाइनलमा शुक्रबार नाडालले निक किर्गियोसको सामना गर्ने तालिका थियो ।