काठमाडौँ । एशिया कपअन्तर्गत सुपर फोरमा आज भारत र पाकिस्तानबीच भिडन्त हुँदै छ । यसअघि समूह चरणमा भारतले पाकिस्तानलाई पराजित गरेको थियो ।

यसै एशिया कपमा दोस्रो पटक हुन लागेको भारत र पाकिस्तानबीचको यो खेल नेपाली समयअनुसार राति ७:४५ बजे देखि शुरू हुने छ । भारत र पाकिस्तानलाई क्रिकेट खेलकै सबैभन्दा ठुला प्रतिद्वन्दी मानिन्छ ।

यस एशिया कपमा भारतले समूह चरणमा पाकिस्तान र हङकङलाई पराजित गरेर सुपर फोरमा पुगेको हो भने पाकिस्तानले हङकङलाई पराजति गरेर सुपर फोरको यात्रा तय गरेको हो ।

टी-२० अन्तर्राष्ट्रिय खेलमा भारत र पाकिस्तानबीच अहिलेसम्म १० खेल भएका छन् । जसमा भारतले ८ खेल जितेको छ भने पाकिस्तानले २ खेलमा जित हासिल गरेको छ । त्यस्तै पछिल्ला ५ खेलमा भारतले ४ खेल जितेको छ भने पाकिस्तानले एक खेलमा जित हासिल गरेको छ ।