एजेन्सी । इटालियन सिरी ए फुटबल क्लब युभेन्टसका इटालिएन गोलरक्षक जियानलुइगी बुफन पूर्वक्लब पर्मा फर्किएका छन् । पर्माले बिहीबार ४३ वर्षीय बुफनलाई अनुबन्ध गरेको पुष्टि गरेको छ ।
विश्वकप विजेता बुफनले २०२०–२१ को सिजनको अन्त्यसँगै टुरिन बसाई अन्त्य गरेका थिए । बुफन सन् २०१९ को जुलाईमा फ्रेन्च क्लब पेरिस सेन्ट जर्मेन पिएसजी एक वर्षे बसाई अन्त्य गर्दै युभेन्टस फर्किएका थिए । 
पोर्चुगिज कप्तान क्रिस्टियानो रोनाल्डोसँग खेल्नकै लागि इटाली फर्किएका बुफन युभेन्टसका लागि दोस्रो रोजाइका गोलरक्षकका रूपमा खेल्दै थिए । युभेन्टस छोडेपछि उनी पर्मा फर्किएका हुन् । पर्माबाट उनले व्यवसायिक फुटबल करिअरको सुरुवात गरेका थिए । ६ वर्ष पर्माबाट खेलेका उनी सन् २००१ मा युभेन्टस गएका थिए । २०१८ सम्म युभेन्टसका लागि खेलेका उनी थिए ।