बुद्ध एयरको जहाज काठमाडौंस्थित त्रिभूवन अन्तरराष्ट्रिय विमानस्थलमा सुरक्षित अवतरण गरेको छ। बायाँपट्टिको ल्यान्डिङ गियरमा समस्या देखिएपछि ७३ यात्रु सवार विमान काठमाडौं फर्किनु परेको बुद्ध एयरले जनाएको छ।

रनवेमा अवतरण हुनै लाग्दा बुद्ध एयर विमान पाङ्ग्रा नखुलेपछि आकाशमै फर्किएको थियो। करीब २ घण्टा काठमाडौंको आकाशमा होल्ड भएको जहाजले सुरक्षित अवतरण गरेको बुद्ध एयरले जनाएको छ।

बुद्ध एयरको सो विमान सोमबार बिहानै काठमाडौंबाट विराटनगरतर्फ उडेको थियो। तर, विराटनगर विमानस्थलमा अवतरण हुन नसकेपछि काठमाडौं फर्किएको थियो।

उक्त जहाज क्याप्टेन एजी शेर्पाले उडाएका थिए।