हुम्ला, ३१ वैशाखः कैलाश मानसरोवर दर्शनका लागि सिमकोट–नाम्खा हिल्सा नाका हुँदै भारतीय तीर्थयात्री सिमकोट पुगेका छन् । यहाँ आइपुगेका २५ भारतीय तीर्थयात्रीलाई प्रमुख जिल्ला अधिकारी टेककुमार रेग्मी, सिमकोट गाउँपालिकाका अध्यक्ष विजय भण्डारीलगायतले सिमकोट विमानस्थलमा स्वागत गर्नुभयो ।

    यस वर्ष हुम्ला हुँदै करिब ११ हजार भारतीय नागरिक कैलाश मानसरोवर दर्शनका लागि आउने अपेक्षा गरिएको छ ।  गत वर्ष सात हजार भक्तजनले कैलाश मानसरोवरको दर्शन गरेका प्रमुख जिल्ला अधिकारी रेग्मीले बताउनुभयो ।

    यसैगरी, सरकारको निर्णयअनुसार हुम्लाका सातवटै गाउँपालिकामा यही वैशाख २८ गतेदेखि सरसफाइ अभियान सुरु गरिएको छ । सिमकोट, नाम्खा, खार्पुनाथ, सर्केगाड, चङ्खेली, अदानचुली र ताँजाकोट गाउँपालिकामा सो अभियान सञ्चालन गरिएको हो ।
–––