देउखुरी (दाङ), १ असारः राष्ट्रिय स्वतन्त्र पार्टीका सहमहामन्त्री बिपिनकुमार आचार्यले संस्थागत सुधार गर्दै पार्टीलाई सुदृढ तुल्याउने अभियान अघि बढिरहेको बताउनुभएको छ ।
नेपाल पत्रकार महासङ्घको आयोजनामा घोराही आज भएको पत्रकार सम्मेलनमा उहाँले देश र जनहितमा रास्वपाका तर्फबाट भएका गतिविधि जनतालाई सुसूचित गराउनुपर्नेमा जोड दिनुभयो ।
उहाँले भन्नुभयो, “भरखरै राजनीतिमा आएकाले हामी सिक्दैछौँ, हामीले गरेका कामको निगरानी होस्, असल कामका लागि मार्ग निर्देशन दिनुस् ।”
मुलुकको भौगोलिक अवस्थालाई विचार गरी आगामी आर्थिक वर्षका लागि सन्तुलित रुपमा बजेट विनियोजन भएको बताउँदै सहमहामन्त्री आचार्यले स्थानीय टरिगाउँ एयरपोर्ट र राप्ती स्वास्थ्य विज्ञान प्रतिष्ठानको स्तर उन्नतिको काम भइरहेको बताउनुभयो ।