वीरगञ्ज (पर्सा), २५ भदौः विपत्का समयमा रगत अभाव हुन नदिन कवेष्ट फर्मास्युटिकल्स प्रालिले आज रक्तदान कार्यक्रमको आयोजना गरी एक सय सात पिन्ट रगत सङ्कलन गरेको छ ।

प्रालिले आफ्नो स्थापनाको २५ औँ वार्षिकोत्सव तथा श्री विश्वकर्मा पूजा २०८३ को शुभ अवसरमा रक्तदानबाट १०७  पिन्ट रगत जम्मा गरेको हो । नेपाल रेडक्रस सोसाइटी, रक्त सञ्चार केन्द्र वीरगञ्जको प्राविधिक सहयोगमा आयोजित रक्तदानमा कम्पनीका कर्मचारीले भाग लिएका थिए । कम्पनीले सामाजिक सेवा भावले सो रक्तदान कार्यक्रमको आयोजना गरेको हो । जम्मा गरिएको रगतले  बाढीप्रभावित क्षेत्रका बिरामीको जीवन रक्षामा योगदान पुग्ने विश्वास गरिएको छ । 
–––