हुम्ला, मङ्सिर १९ गते । हुम्लाको सदरमुकाम आसपासका क्षेत्रमा नेपाल टेलिकमको सेवा आइतबार राति २ बजेदेखि अवरुद्ध भएको छ । सेवा अवरुद्ध हुँदा सेवाग्राही मर्कामा परेका छन् ।
टेलिकमको मोवाइल, एडिएसल, फोरजी र ल्याण्ड लाइन सेवा सबै १२ घण्टादेखि अवरुद्ध भएको छ । नेपाल टेलिकम हुम्ला शाखाका लाइनम्यान रामबहादुर बोहराले खराबी आएको स्थान नै पत्ता लगाउन नसकिएको बताए । खराबी पत्ता लगाउने काम भइरहेको उनको भनाइ छ ।