बेइजिङः उत्तर कोरियाका संस्थापक किम सेकेन्ड सुङ्का कान्छा भाइ किम योङ जुको निधन भएको छ।

कोरियन सेन्ट्रल न्युज एजेन्सी (केसीएनए)ले बुधबार सो समाचार उल्लेख गरेको छ। उत्तर कोरियाली नेता किम जोङ उनले मंगलबार जुको मृत्युप्रति समवेदना पठाएको केसीएनएले जनाएको छ।

यद्यपि जुको निधन कहिले, कहाँ र कसरी भएको भन्नेबारे केही उल्लेख गरिएको छैन। जुको जन्म सन् १९२० मा उत्तर कोरियामा भएको थियो। किम सुङभन्दा जु ८ वर्ष कान्छा भएको दक्षिण कोरियाली तथ्यांकले उल्लेख गरेको छ।

मस्को विश्वविद्यालयबाट स्नातक गरेका जुले सन् १९७२ मा दक्षिण कोरियासँगको वार्तामा उत्तर कोरियाली प्रतिनिधिका रूपमा काम गरेका थिए ।