फिलिपिन्समा आइतबार आएको आँधीमा मृत्यु हुनेको संख्या ३७५ पुगेको छ।

करिब १९५ किलोमिटर प्रतिघण्टाको गतिमा आएको राई आँधीले देशका दक्षिणपूर्वी टापुहरूमा ठोक्किएपछि झण्डै ४ लाख मानिस प्रभावित भएको मिडिया रिपोर्टमा उल्लेख गरिएको छ।

स्थानीय प्रहरीका अनुसार आँधीमा परी कम्तीमा ५०० जना घाइते भएका छन् भने ५६ जना अझै बेपत्ता छन्।राहत टोलीहरूले प्राकृतिक विपत्तिका दृश्यहरूलाई पूर्ण नरसंहार भनेर वर्णन गरिरहेका छन्। तर, कतिपय क्षेत्रबाट सञ्चार अवरुद्ध भएकाले क्षतिको यकिन मात्रा पत्ता लगाउन अझै कठिन छ।

व्यापक पहिरो र बाढीका कारण धेरैको ज्यान गएको आशंका गरिएको छ । फिलिपिन्स रेडक्रसका अध्यक्ष रिचर्ड गोर्डनले भने ‘धेरै क्षेत्रमा बिजुली छैन, सञ्चार छैन, पानी धेरै कम छ। त्यहाँ केही क्षेत्रहरू छन् जुन दोस्रो विश्वयुद्ध भन्दा पनि खराब बमबारी भएको देखिन्छ।’

रेडक्रस र रेड क्रिसेन्ट सोसाइटीहरूको अन्तर्राष्ट्रिय महासंघले यहाँ दीर्घकालीन राहत प्रयासहरूको लागि २० मिलियन स्विस फ्र्यांक कोषबाट आपतकालीन सहायताको अपिल गरेको छ।