सर्लाही, पुस ३० गते । सर्लाहीको विभिन्न स्थानमा पूर्व–पश्चिम राजमार्ग भत्किएर अत्यधिक धूलो उड्दा यात्रु र सडक आसपासका स्थानीय वासिन्दालाई सास्ती भएको छ ।
पूर्व–पश्चिम राजमार्गस्थित सर्लाहीको नवलपुर बजार क्षेत्रको सडक सबैभन्दा धेरै खराब भएको छ । केही समयअघि कालोपत्रे गर्न सडक भत्काएर अलपत्र अवस्थामा छाडेका कारण अत्यधिक धूलो उड्ने गरेको नवलपुर बजारका व्यवसायी देब प्रसाईले जानकारी दिनुभयो ।