काठमाडौं– भारत प्रशासित कश्मीरको कुलगाम क्षेत्रमा एकजना खुँखार आतंककारी पक्राउ परेका छन् । पक्राउ परेका आतंककारी कुलगाम जिल्ला कै गडिहामा क्षेत्रका बासिन्दा यामिन युसफ रहेको प्रहरीको भनाइ छ ।
आतंककारी समूह लस्कर ए तैएबासँग आबद्ध रहेको बताइएको उक्त आतंककारीको सम्पर्क सीमापार पाकिस्तानमा रहेको भारतीय समचार संस्था टाइम्स अफ इण्डियाले जनाएको छ ।
भारतीय सेनाको ३४ औं एकाइ तथा कुलगाम प्रहरीको संयुक्त पहलमा आतंककारी पक्राउ परेका हुन् ।
पाकिस्तानी आतंककारीसँग नियमित सम्पर्कमा रहेका उनले लस्कर ए तैएबाबाट भारतीय भूमिमा आतंककारी आक्रमण गर्ने जिम्मा पाएको बताइएको छ ।
यसबाहेक उनले आतंककारीहरुले शरण दिने गरेको र हतियार तथा गोली गठ्ठा ओसार पसार पनि गर्दै आएको प्रहरीले जनाएको छ । उनको साथबाट हतियार, गोली गठ्ठा तथा विस्फोटक पदार्थ बरामद गरिएको छ ।