काठमाण्डौ। आज भएको पाँचौ संस्करणको आरबीबी एनभीए राष्ट्रिय महिला तथा पुरुष क्लब लिग भलिबल च्याम्पियनसिपमा महिला तर्फ नेपाल एपीएफ क्लबले सहज जित निकालेकोमा अर्को विभागिय टोली नेपाल पुलिस क्लबले भने हार ब्यहोरेको छ ।

त्रिपुरेश्वरस्थित राखेपको कर्भडहलमा मंगलबार भएको खेलमा एपीएफले भरतपुर मेट्रो खेलकुद परिषद्लाई ३ ० को सेटमा पराजित हुदा आज नै भएको दोस्रो खेलमा नेपाल पुलिस क्लब न्यु डायमण्ड स्पोर्टस क्लबसँग सोझो सेटमा नै पराजित भएको हो ।

एपीएफले भरतपुरमाथि २५/ १३, २५/ ७ र २५/९ को सेटमा हराएको हो भने उता पुलिसलाई पराजित गरेको न्यु डाइमण्डले २५ /२२,२५ /२२ र २५/ १६ को सेटमा जित निकालेको थियो । एपीएफ क्लबसँग समान १० अंक भएपनि न्यु डाइमण्ड सेट अनुपातमा अघि रहेकाले शिर्ष स्थानमा रहेको छ ।