गण्डकी, ३१ असोज : गण्डकी प्रदेश सरकारका मुख्यमन्त्री सुरेन्द्रराज पाण्डेले बडादसैँले नेपालीबीच आपसी सद्भाव, भ्रातृत्व, सामाजिक एकता र सहयोगको भावनालाई थप बलियो बनाउने विश्वास व्यक्त गर्नुभएको छ ।
बडादसैँको अवसरमा आज शुभकामना सन्देश दिनुहुँदै उहाँले बडादसैँ असत्यमाथि सत्य र अन्यायमाथि न्यायको विजयको प्रतीकका रूपमा मनाइने महत्त्वपूर्ण पर्व रहेको उल्लेख गर्नुभएको छ ।
“नेपाल बहुसांस्कृतिक, बहुजातीय, बहुभाषिक एवं बहुधार्मिक विविधताले भरिपूर्ण मुलुक हो, लुकभित्र प्रचलित संस्कृति, परम्परा र सभ्यताको संरक्षण तथा प्रवर्द्धन गर्नु हामी सबैको साझा दायित्व हो”, शुभकामना सन्देशमा भनिएको छ ।
मुख्यमन्त्री पाण्डेले चाडपर्वले भौगोलिक, सांस्कृतिक र भाषिक विविधताबीचको सहिष्णुता सुदृढ गर्नुका साथै सांस्कृतिक एकता र राष्ट्रिय पहिचानलाई अक्षुण्ण राख्न महत्त्वपूर्ण योगदान पुर्याउने उल्लेख गर्नुभएको छ ।